Sri Pratyangira Stotram - 2
|| aiṁ khphrēm ||
namō:’stu tē mahāmāyē dēhātītē nirañjanē |
pratyaṅgirā jagaddhātri rājalakṣmi namō:’stu tē || 1 ||
varṇadēhā mahāgaurī sādhakēcchāpravartitā |
padadēhā mahāsphāla mahāsiddhisamutthitā || 2 ||
tattvadēhasthitā dēvi sādhakānugrahā smr̥tā |
mahākuṇḍalinī bhittvā sahasradalabhēdinī || 3 ||
iḍāpiṅgalamadhyasthā vāyubhūtā khagāminī |
mr̥ṇālatanturūpiṇyā suṣumṇāmadhyacāriṇī || 4 ||
nādāntēnādasaṁsthānā nādātītā nirañjanā |
sūkṣmēsthūlēti sampūjyē acintyācintyavigrahē || 5 ||
parāparaparē śāntē brahmalīnē parē śivē |
acintyarūpacaritē acintyārthaphalapradē || 6 ||
ēkākinī viśvamātā karavīranivāsinī |
mahāsphālapradā nityā mahāmēlāpakāriṇī || 7 ||
bindumadhyē sthitā dēvī kuṭilē cārdhacandrikē |
dvādaśāntālayā dēvī ṣōḍaśādhāravāsinī || 8 ||
kāryakāraṇasambhinnā caitanyānāḍimadhyagā |
śaktimūlē mahācakrē navadhā saṁvyavasthitā || 9 ||
aśarīrā parādēvī śarīrē prāṇarūpiṇī |
sudhādravasamākārā ōṅkāraparavigrahā || 10 ||
vidyullatanibhā dēvī bhāvābhāvavivarjitā |
svāntapadmasthitā nityā parēśī śāntavigrahā || 11 ||
sattvarūpā rajōrūpā tamōrūpā trayātmikā |
tvamēva dēvī sarvēṣāṁ bhūtānāṁ prāṇadāyinī || 12 ||
tvayaiva sr̥jyatē viśvaṁ līlayā bahudhā sthitā |
mālinī paramā dēvī śmaśānaparabandhanī || 13 ||
hr̥ttālubhēdinī cakrē vicakrē cakrasundarī |
bindudvāranirōdhēna divyavyāptā namō:’stu tē || 14 ||
sūryakōṭipratīkāśē candrakōṭyatinirmalē |
kandarpakōṭilāvaṇyakōṭibrahmāṇḍavigrahē || 15 ||
nirākārē nirābhāsē nirlēpē nirvinigrahē |
sakalākhyē mahāmāyē varadē surapūjitē || 16 ||
khakāraphakāravahnisthaikārāntara sundari |
makārāntara vargēṣu pañcapiṇḍātmakē śivē || 17 ||
sarpavatkuṭilākāra nādaśaktiparē matē |
binducakrasthitā dēvī jālandharasvarūpiṇī || 18 ||
bhūryavaiḍūryapīṭhasthē pūrṇapīṭhavyavasthitē |
kāmasthitē kalātītē kāmākhyē ca bhagōdbhavē || 19 ||
brahmagranthikalāṭōpamadhyēsrōtapravāhinī |
śivē sarvagatē sūkṣmē nityānandamahōtsavē || 20 ||
mantranāyiki mantrajñē vidyēkōśāntavāsinī |
pañcapīṭhikamadhyasthē mērunāyaki śarvarī || 21 ||
khēcarī bhūcarī caiva śaktitrayapravāhinī |
kālāntāgnisamudbhūtā kālakālāntakālinī || 22 ||
kālikākramasambandhi kālidvādaśamaṇḍalē |
trailōkyadahanī dēvī sā ca mūrtistrayōdaśī || 23 ||
sr̥ṣṭi sthiti ca saṁhārē anākhyākhyē mahākramē |
bhāsākhyā guhyakālī ca nirvāṇēśī parēśvarī || 24 ||
jhaṅkāriṇī bhairavī ca svarṇakōṭēśvarī śivā |
rājarājēśvarī caṇḍā aghōrēśī niśēśvarī || 25 ||
sundarī tripurā padmā tārā pūrṇēśvarī jayā |
kramamaṇḍalamadhyasthā kramēśī kubjikāmbikā || 26 ||
jyēṣṭhabālavibhēdēna kubjākhyā ugracaṇḍikā |
brāhmāṇī raudrī kaumārī vaiṣṇavī dīrghanāsikā || 27 ||
vajriṇī carcikālakṣmī pūjayēddivyamātaraḥ |
asitāṅgōruruścaṇḍaḥ krōdhīśōnmatta sañjñakam || 28 ||
kapālī bhīṣaṇākhyāśca saṁhāraścāṣṭamastathā |
bhaktānāṁ sādhakānāṁ ca lakṣmīṁ siddhiṁ prayaccha mē || 29 ||
siddhilakṣmīrmahādēvīṁ bhairavēnānukīrtitā |
sādhakadvēṣṭakānāṁ ca sarvakarmavibhañjinī || 30 ||
viparītakarī dēvī pratyaṅgirā namō:’stu tē |
kālādi grasitē sarvaṁ grahabhūtādi ḍākinī || 31 ||
sādhakaṁ rakṣatē dēvī kālasaṅkarṣaṇīṁ numaḥ |
śivaṁ prayacchatē dēvī rakṣatē līlayā jagat || 32 ||
rājyalābhapradāṁ dēvī rakṣaṇī bhaktavatsalām |
pratyaṅgirāṁ namasyāmi acintitārthasiddhayē || 33 ||
sarvaśatrūn pramardantī duritaklēśanāśinīm |
pratyaṅgirāṁ namasyāmi acintitārthasiddhayē || 34 ||
āpadāmbhōdhitaraṇiṁ paraṁ nirvāṇadāyinīm |
pratyaṅgirāṁ namasyāmi siddhilakṣmīṁ jayapradām || 35 ||
rājyadāṁ dhanadāṁ lakṣmīṁ mōkṣadāṁ duḥkhanāśinīm |
pratyaṅgirāṁ namasyāmi siddhilakṣmīṁ jayapradām || 36 ||
duṣṭaśatrupraśamanīṁ mahāvyādhivināśinīm |
pratyaṅgirāṁ namasyāmi siddhilakṣmīṁ jayapradām || 37 ||
kaliduḥkhapraśamanīṁ mahāpātakanāśinīm |
pratyaṅgirāṁ namasyāmi siddhilakṣmīṁ jayapradām || 38 ||
acintyasiddhidāṁ dēvī cintitārthaphalapradām |
pratyaṅgirāṁ namasyāmi siddhilakṣmīṁ jayapradām || 39 ||
rājōpasargaśamanīṁ mr̥tyupadravanāśinīm |
pratyaṅgirāṁ namasyāmi siddhilakṣmīṁ jayapradām || 40 ||
rājamātāṁ rājalakṣmīṁ rājyēṣṭaphaladāyinīm |
pratyaṅgirāṁ namasyāmi siddhilakṣmīṁ jayapradām || 41 ||
phalaśrutiḥ –
siddhilakṣmīrmahāvidyā mahāsiddhipradāyikā |
paṭhēdvā pāṭhayēdvāpi stōtraṁ pratyaṅgirābhidham || 42 ||
paṭhanācchatrusainyāni stambhayējjambhayēt kṣaṇāt |
acintitāni siddhyanti paṭhanāt siddhimāpnuyāt || 43 ||
mahādōṣapraśamanaṁ mahāvyādhivināśanam |
siṁhavyāghragrahabhayē rājōpadravanāśanam || 44 ||
grahapīḍā jalāgnīnāṁ nāśanaṁ dēvi śāntidam |
pūjākālē mahāstōtraṁ yē paṭhiṣyanti sādhakāḥ || 45 ||
tēṣāṁ siddhirnadūrē:’sti dēvyāḥ santuṣṭidāyakam |
tē nāsti yannasiddhyēta kaulikē kulaśāsanē || 46 ||
yaṁ yaṁ cintayatē kāmaṁ sa sa siddhyati līlayā |
satyaṁ satyaṁ mahādēvī kaulikē tatsamō na hi || 47 ||
ardharātrē samutthāya dīpaḥ prajvalyatē niśi |
paṭhyatē stōtramētattu sarvaṁ siddhyati cintitam || 48 ||
puraścaryāṁ vinānēna stōtrapāṭhēna siddhyati |
maṇḍalē pratimāgrē vā maṇḍalāgrē paṭhēdyadi || 49 ||
idaṁ prōktaṁ mahāstōtraṁ acintitārthasiddhidam |
anyadēvaratānāṁ tu na dēyaṁ tu kadācana || 50 ||
dātavyaṁ bhaktiyuktāya kuladīkṣāratāya ca |
anyathā patanaṁ yānti ityājñā pāramēśvarī || 51 ||
iti tridaśaḍāmarē kānavīrē śrīsiddhināthāvatāritaḥ śrīsiddhilakṣmī mahāmāyā stavaṁ nāma śrī pratyaṅgirā stōtram ||
